فضفض معنا فش خلقك

السلام عليكم

أحياناً بكون الواحد متدايق مخنوق ومكتأب ومابلاقي مين يحكيلو أو يفش خلقو قدامو

حبيت قدم هالموضوع مشان نفضفض مع بعض ونتناقش بالمشاكل يللي بتصير معنا وكل

واحد بيعطي رأيو ونشاء الله نقدر نساعد بعض على حل مشاكلنا

المواضيع ممكن تكون عن الدراسة .. الحياة الإجتماعية ... الحالة العاطفية ... إلخ

المهم ما حدا يحبس شي بقلبو

بتمنى المشاركة من الجميع...

تحياتي ...

ولييييييي شوهالموضوع

ترى أنا واقفة عنكشة اذا انفتحت وبلشت اشتكي مابخلص لبكرا


والله أحيانا بالغصب الواحد بيمسك حالو عكتر مو مكتئبين

وأنا صايرة كتير عصبية عم خانق واعمل مشاكل بالبيت عالطالع والنازل

بدي حجة عشان عيط وكاون وبهدل ............ وماعرفاني شو أعمل ؟ وشو الحل ؟

السلام عليكم

والله معك حق هالأيام بتخلي الواحد يصير عصبي وتديق خلاقو

نحنا جاهزين لنفش خلقك بس تعصبي فتحي الموضوع وعيطي قد مابدك

وإذا في مشكلة منتناقش فيا

تحياتي ....

استيقظت فجر هذا اليوم على حلم رائع راودني

حلم أحببته وأحببت كل تفصيلاته

استيقظت ولم اتمكن من النوم بعدها لشدة ما أثارني هذا الحلم

أشعر أنه شحنني بطاقات غريبة

أريد أن أرويه للجميع وأخبرهم أني سعيدة جدا

وأكاد أطير من السعادة

ولكن لا أستطيع

سأحتفظ به لنفسي وأستمر بتذكره كي لا يغيب عن بالي

وأريده أن يتكرر في كل يوم

في كل ليلة أريد أن أراك

السلام عليكم أخت ليلى نيالك عم تشوفي منامات حلوة اللهم لا حسد

نحنا عم نشوف كوابيس

أتمنى لكي أن لا تري ذلك الحلم أبداً بل أتمنى أن يتحقق حلمك قريباً

.....تحياتي.....

[ندعوك للتسجيل في المنتدى أو التعريف بنفسك لمعاينة هذه الصورة]

مشي الحال قرأت المعوذات مشان الحسد

والله الحلم حلو كتييير وصعب يتحقق شوي

بس لساتني فرحانة لأني شفتو

ان شاء الله خير

شكرا لمشاعرك الطيبة

ان شاء الله يتحقق حلمك في القريب العاجل

شكرا لك

اليوم مابعرف شبني ما عم اشبع بكي

بدي حجي عشان دموعي ينزلو

والأمر من هيك سمعت انو بحمص عم تلج الدني

صحي عم تلج ؟؟

أمانة اذا حدي فيو يصور الكلية والتلج عليها يصورها وينزل الصورة أمانة

بدي انزل اتمشى بحمص تحت التلج

يا الله شو انزعجت لما عرفت انو الدنيا عم تلج وأنا مو هنيك

يا الله شو مشتاقة امشي تحت المطر

[ندعوك للتسجيل في المنتدى أو التعريف بنفسك لمعاينة هذه الصورة]

خلص حاج هلق الصفحة بتغرق بالدموع وبيصير بدها شطف وتنضيف

بس لساتني زعلانه

آمين آمين

والله حسيت عيوني نشفو عقد ما بكيت

وحتى راسي صار يوجعني

لولا هيك كنت ضليت عم ابكي لبكرا

والله ياريت بقدر أنزل صورلك الجامعة بس النزلة ع الجامعة صار بدها ألف حساب

عم قول ليش طولت الصفحة لفتحت الظاهر مرطبة صار بدها نشر

ههههههههههه

والله ضحكتني من قلبي

تسلم يعني هو مجرد أمنية مو ضروري تتحقق

يعني ياريت البكي عم يفيدنا لا بالعكس عم يفتح جروح كبيرة بقلبنا بس الواحد مابيقدر يجرد حالو من المشاعر أو يخلي عقلو يوقف عن التفكير ........
اللي عم نمر فيه بلاء كبير من رب العالمين انشالله نقدر نكون من الصابرين بس الحمدالله أنا متفاءلة بهاليومين عم تصير شغلات حلوة كتير
انشالله نكون وصلنا لنهاية هالقصة
"انشالله يارب"

ان شاء الله اللهم فرج هم المهمومين

امين يارب يثبتنا ويصبرنا ويألف بين قوبنا

بس في شغلة

تاج كتب:

انشالله نقدر نكون من الصابرين

لو تكتبي ان شاء الله فهو أفضل من كتابتها كلمة واحدة

وأسأل الله تعالى أن يغيثنا ويعجل الفرج

يأتي ويذهب كل ليلة ......

يطرق الباب بهدوء......

يمسك بيدي ويأخذني...

لاأعلم إلى أين.....

يأخذني هذا الحلم بعيداً...

إلى مكان جميل ....خارج هذا الكون..

مكان مليء بالهواء اللطيف...

مكان خالي من الخوف...

مكان يسرق القلب ....

لم أرى مثل هذا المكان.....

لكني سأذهب إليه....قريباً....قريباً...

الله يحميكون يارب

...........................................................................................

ويعود الشتاء...بقسوته وحنانه

بجماله وعنفه....


يحمل الخير ...والعواصف

قد يزيل بعض الغبار عن الطبيعة ليكشف حقيقتها ....

لكنه قد يحمل هذا الغبار ويغطي به ملامح طبيعة أخرى...

إنه شتاء القدر...

قد يكون قاسياً..لكنه يكون مليئ بالخيرات...

وقد يكون لطيفاً يرضي جميع الكائنات...

لكنه يبقى شتاءً تفتح امامه كل الإحتمالات

شعوري حاليا شوية غضب و شوية حزن ورشة خفيفة تعاسة شديدة ( ماتكتر عشان النكهة ما تخرب )


يا الله عجل الفرج ................. والله مليييييييييييييييييييييييييييييييت

قال لي ذات يوم رجل عجوز..

يابني... لاتقف أمام الريح..

فقلت ..لا أخشى الريح..

قال.. لاتتحدى الطبيعة..

قلت وما هي الطبيعة..

قال .. الطبيعة هي الهدوء لكنها قد تصبح إعصاراً..

وهي الحب لكنها قد تصبح أحزاناً..

وهي الأمان لكنها قد تصبح خوفاً...

فنظرت إليه وقلت ... أنا من تراب..

وإن حملتني الريح فسوف تتعب وتعيدني إلى الأرض...

وإن عدت إلى الأرض.. أعود إلى الطبيعة

إذاً فأنا من الطبيعة...

فنظر إلي بفخر وقال .. لقد أصبت لكنك لست فقط من الطبيعة

... بل أنت الطبيعة كلها...

...تحياتي...

شعور ؟؟؟؟؟؟؟؟؟؟؟؟؟؟؟؟؟

ما بعرف اذا في كلام يوصف هالشعور

ولا في مقدار من الألم والدمع والدم والجروح بتحسن توصف يلي حاسستو

معقول يكونو بشر !!!!!!!!!!!!!!!

بس ...............

خلص الحكي


وضل الجرح عم ينزف ناطر الدوا


بس مافي دوا


صور بتبكي

مناظر بتقشعر البدن

قصص بتموت

بتخليك اتحس انك ميت ومافيك احساس

معقول يكونو بشر !!!!!!!!!!!!!!!

يارب تفرجا علينا عن قريب

يــــــــــــــــــــــــــــــــــــــــــــــــــــــــــا رب

اللهم أنت ربي لا اله الا أنت .. خلقتني وأنا عبدك وأنا على عهدك ووعدك ما استطعت

أعوذ بك من شر ما صنعت .. أبوء لك بنعمتك علي وأبوء بذنبي فاغفر لي فانه لا يغفر الذنوب الا أنت

هاد سيد الاستغفار .. من الأفضل قوله كل يوم

قولوه يا اخوتي فمن يعلم ما هي الفائدة التي قد يلحقها استغفار نابع من القلب

وعسى الله أن يفرج عنكم

لا تحزني ....ياوردتي ... فقد حان وقت المطر

لا تحزني ... حبيبتي ... فسوف يجمعنا القدر

لاتحزني ... ياقريتي.... فقد حان وقت السفر ...