خبر جديد تازة

السلام عليكم هادا الخبر هلأ شفتو الساعة 1 ليلاً ونقلتو حرفياً


الزملاء الأعزاء:

وصلت فاكسات الى عمداء الكليات في جامعة البعث من الوزارة بمباشرة الدوام ونقلا عن احد المسؤلين في الجامعة فان اي موظف يتأخر عن دوامه سيعتبر بحكم المستقيل
اما بالنسبة للطلاب الذين يداومون في الجامعات الأخرى يستمر دوامهم حتى يصل شيء رسمي الى الجامعات بذلك وفور وصول هذا القرار الرسمي يعود الطلاب الى جامعة البعث وترسل علاماتهم في المواد العملية الى كلياتهم وجامعة البعث تقرر اذا سيتم اعت
سيتم اعتماد تلك العلامات او سيتم تجاهلها(حتى الأن لم يصل اي قرار رسمي الى الجامعات)

......... تحياتي.......

الله يسمعنا اخبار حلوه ونتمنى يرجع الدوام

بس ما اعتقد ذلك لانو في رفيقي كان الاثنين بحمص قال ما في مواصلات مافي شيء وراح عالجامعة هو عم يدرس دكتوراه في الرياضيات قل شاف بعض الدكاترة وبعض الموظفين يعني الاغلبية ما رح يقدر يجو على دوامهم الا اذا الامور هادئة والمواصلات رجعت

بالنسبة للدوام في الجامعات الاخرى انا عندي رفيقي كمان عم يدرس في الزراعة ومسجل في حلب وقبل اسبوعين راح وجد انو في قرار معلقينه انو طلاب جامع البعث خلاص انتهى دوامكم هون رح ترجعو لحمص وللان ما عم يداوم ولا شي

تعرف شغله ارفعوا ايديكم واقرأو الفاتحة على هذه السنة لانها راحت وما رح ترجع اعتبروها استراحه ومع ذلك نامل ان يكون كلامي خطأ ان شاء الله

تحياتي

والله يا فؤاد أنا بتمنى تكون السنة استراحة

بس المشكلة انو مو مبين شو مصير الطلاب


يعني لا تنسو انو في ناس دفعت مصاري ( موازي ) عشان هالسنة وحرام يروحو هيك

الله يفرج عنا

السلام عليكم

فؤاد كلامك منطقي بس شومشان استراحة

الواحد بيستريح شهر شهرين موسنة كاملة

ليلى... مشان الموازي مابتروح المصاري

لأن ماحدا داوم حتى التعليم المفتوح كمان مابروحو المصاري

الله يفرج

تحياتي