سنة جديدة ...

موضوع: سنة جديدة ... 2/1/2012, 3:08 pm

السلام عليكم ورحمة الله وبركاته

شو ياجماعة وينكون مختفيين ...........

بلشت السنة الجديدة

[ندعوك للتسجيل في المنتدى أو التعريف بنفسك لمعاينة هذه الصورة]

سمعت انو صرنا ب 2012 affraid

.. صحيح هالخبر ؟؟

شو منشان انو العمر عم يركض بسرعة ونحنا ماحاسين عحالنا

أنا براس السنة نمت من الساعة عشرة .. كنت متخانقة ومعصبة كتير فحطيت راسي ونمت

خبروني انتو شو عملتو ؟

بس تاني نهار نزلت تمشيت بأبوظبي .. رح نزل الصور يلي صورتها

أول شي لازم تعرفو انو أبوظبي مافيها بقعة فاضية

فالمكان يلي بينفع فيو عمار بيزرعو شجر ورد ومناظر خلابة

لما بطلع حواليك رح توجع رقبتك .. عشان هيك نصيحة خلي عينك عالشارع عشان السيارات والطريق

البنايات بكل الأشكال والألوان

[ندعوك للتسجيل في المنتدى أو التعريف بنفسك لمعاينة هذه الصورة]

بس الشغلة الحلوة بأبوظبي انو فيك تنقي أي محل بيعجبك وتراقب غروب الشمس .. بس مو أي غروب

رح تشوف الشمس وهي عم تغرق بالبحر

[ندعوك للتسجيل في المنتدى أو التعريف بنفسك لمعاينة هذه الصورة]

طبعا وجود البنايات يلي بتدوخ مو مانعة أبدا وجود الحدائق الرائعة والمليئة بأصناف الأزهار

[ندعوك للتسجيل في المنتدى أو التعريف بنفسك لمعاينة هذه الصورة]

والشغلة الحلوة كمان النوافير والبحرات ...

[ندعوك للتسجيل في المنتدى أو التعريف بنفسك لمعاينة هذه الصورة]

أبوظبي بالليل أحلى

[ندعوك للتسجيل في المنتدى أو التعريف بنفسك لمعاينة هذه الصورة]

بس بضل حمص أحلى ...

بيكفي انو الشعب يلي فيها هو شعب حمصي lol!

موضوع: رد: سنة جديدة ... 2/1/2012, 8:23 pm

اهلين ليلى كل عام وانتي وكل الاعضاء بخير بمناسبة السنه الجديده التي نسال من الله ان تكون حافلة بالنجاحات والتفوق باذن الله

اما شو ساويت انا كنت في ليله راس السنه عم ادرس تابعي 1 وانا عم ادفى بالـ( البطانية) من البرد لانو مافي صوبية ( مافي مازوت) فكان الجو عندي برد وهم الاوضاع الجارية وهم دراسه وهم غربه و الشي الاهم انو صارت العام 2012 وانا ما زلت اعزب وقاعد scratch

شو بدي اساوي
وانتي قاعده عم تلفي وتتفسحي ونحنا هون ما عم نطلع غير من البيت عالجامعه والحارة من شان نشتري شي غرض للبيت
مره ثانية كل عام وانتوا بخير ونشوفكم بخير

موضوع: رد: سنة جديدة ... 2/1/2012, 8:27 pm

وهي هديتي للاعضاء

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: سنة جديدة ... 2/1/2012, 9:13 pm

ياااااااااااااااااااااااااااااااي ماأحلها هالهدية

عنجد كتير فرحتني

صحي بالغصب فهمت عليها( لأنها بالانجليزي Smile

) بس كتيييييييييييييييييير حلوة

يسلمو

أما مشان موضوع

فؤاد الاحصب كتب:: وانتي قاعده عم تلفي وتتفسحي ونحنا هون ما عم نطلع غير من البيت عالجامعه والحارة من شان نشتري شي غرض للبيت

والله حكيتلك كنت متخانقة ومعصبة ليلتها وكنت كتير زعلانة

المهم الله يخلصكون من هالامتحانات بخير وسلامة

بس كأنو ما عندك غير تابعي 1 ؟ كم سنة صرلك عم تقدمها ؟

ومشان العزوبية والله حلوة عيش حياتك لاحق للمصايب

ومشان الغربة لاتشكيلي ببكيلك .. وأنا كمان بالغربة والله ومافي شي بعوض ارض الوطن

الله يرد كل مغترب بخير وسلامة لأوطانو وأحبابو

موضوع: رد: سنة جديدة ... 2/1/2012, 10:05 pm

ليلي كتبتي:

اقتباس :: بس كأنو ما عندك غير تابعي 1 ؟ كم سنة صرلك عم تقدمها ؟

قدمتها بس مرتين فصل اول العام الماضي والدورة الصيفية وهي ثالث مرة ادعي انها تخلص والله ويخلص كل الطلاب من موادهم

انت ماعندك شي ما

موضوع: رد: سنة جديدة ... 3/1/2012, 9:23 am

السلام عليكم

كل عام وأنتم بألف خير ونشاء الله تكون 2012 سنة خير عالجميع

مشوارك كتير حلو ((ليلى)) بس انا بحب دبي أكتر من أبو ظبي وبس خلص دراسة نشاء الله بدي

اطلع ع دبي.. مشكورة ع الصور بجننو ...

أنا مشواري برأس السنة كان حلو كتير

بلش مشوارنا ((أنا والشلة)) من عند القلعة (( قلعة حمص)) سهرنا فوق براس القلعة وضلينا هنيك

للساعة12 وشفنا حمص كيف عم تضوي وعم تلمع لمع بعدين رحنا ع الدبلان أكلنا بوظة

((صحيح كان برد بس عادي)) وبعدا تمشينا بالسوق وكان زحمة كتير وقعدنا بالروضة لعبنا شدة

وطبعاً أنا خسرت وبعدا طلعنا عالحمرا وكمان نبسطنا كتير يعني لفينا حمص كلها حارة حارة

وتاني يوم طلعنا ع الوعر عالغابة ونبسطنا كتير كتير

بس للأسف هالحكي هادا صار ب ال2011 أما هلأ عم نتخيل مجرد تخيل Sad

الغربة عن الوطن مو ضروري تكون بالسفر والبعد عنو

في كتير مغتربين داخل اوطانهم

شكراً عالهدية اخ فؤاد

......تحياتي للجميع .....

.......................HAPPY NEW YEAR................... Cool

موضوع: رد: سنة جديدة ... 3/1/2012, 12:09 pm

فؤاد معناتها كنت معي بنفس الدفعة

يمكن انت نفس الشخص يلي جاب بالمعادلات التفاضلية 2 علامة 98

ومشان موادي أنا عندي خمس مواد ومنون التابعي 1 بس مافي نزلة هالسنة عشان هيك راحو علي

الله يوفق الجميع وان شاء الله بتطلع معك هالفصل وبتكون اخر مرة

موضوع: رد: سنة جديدة ... 3/1/2012, 12:14 pm

وسيم .. بتعرف اني صدقت بالأول كل كلمة كتبتها وأنا عم اقرأ وقول نيالو

الله يفرج عنا أحسن شي

ومشان دبي والله أنا ما بعرف عنا شي

رحتلها مرتين بس ومرة مريت منها لأنا كانت بطريقنا

هي حلوة . بس ما حسيت بالفرق كتير

الله يطعمك تسافر لدبي وتحقق كل أحلامك

» حزورة جديدة
» معلومة جديدة
» عضوة جديدة
» تحديثات جديدة بالمنتدى