خوارزمية (مخطط) الزواج في سوريا

حلوة


بس الجنب اليسار من الخوارزمية أريح

وين لما رحت على الجنب اليمين فتنا بالحيط وشوي كان تسكر المنتدى

بس بدي افهم الشباب ليش معقدين قصة الزواج ؟؟ والله الشغلة كتير بسيطة


بس بدها واحد يعرف كيف يدبر حالو

شو هالمخطط فظيع وظريف

ذكرتني برفيقي صار عندو متل شهير (( عيني بتشوف وقلبي بحب وغيري بيخطب وبيتجوز))

كل مانشوف وحدة حلوة بتطلع مخطوبة او متجوزة او حاكين فيا.... أو أخت واحد رفيقنا

الله يعين الشباب دراسة وشغل وعسكرية وتعب

اما البنت بتضل معززة مكرمة لحتى يجي فارس أحلاما ع بسكليت بيضا وياخدا ع العش الزوجي

وبس تسأل شي بنت بتقول :: إي نحنا منحبل ومنولد ومنشتغل البيت ومن هالحكي الموروث عن أمها

لأ والأصعب من هادا كلو وقت تحكي عن حقوق المراة

لك والله ماضللنا حقوق نحنا الرجال ولسا ماسكين مسبحة حقوق المرأة وعم يسبحو فيا

وأنا أطالب بحقوق الرجل ......

وسيم كتب:

وأنا أطالب بحقوق الرجل ......

اذا بيطلع بايدك لا تقصر


على طول مظلومين والقط بياكل عشاكون [ندعوك للتسجيل في المنتدى أو التعريف بنفسك لمعاينة هذه الصورة]

لك والله مظلومين خطي منقضي حياتنا شغل وتعب وعلى مبدأ طالع عتال ونازل زبال

أنا مابنكر تعب المرأة على عيني وراسي بس حسو فينا شوي في نسوان شو ماعمل الرجال بضل مقصر

وبيطلبو منو فوق طاقتو (( لايكلف الله نفساً إلا وسعها ))

بس بالمقابل في نسوان بتقدر

أول حق من حقوق الرجل بدي طالب في ::

تخفيف حالة النق عند النساء وهذه الحالة هي حالة هستيرية تصيب المرأة عندما تريد شيئاً

رأته عند إحدى جاراتها او صديقاتها مما يسبب ارتفاع الحالة الهستيرية لديها وبالتالي ارتفاع الضغط

والسكر والكوليسترول عند الرجل

......تحياتي .....

[ندعوك للتسجيل في المنتدى أو التعريف بنفسك لمعاينة هذه الصورة]

هاد معناتو المضحك المبكي

يعني ماعرفت افرط من الضحك .. ولا قول كلامك مزبوط عهالنسوان يلي النق هو الهوا يلي بعيشون

بس شو منشان أول حق من حقوق الرجل والله مانو محرز بنوب يعني هو شوية ضغط وسكر وكوليسترول ..

نقليلك شي شغلة محرزة والها صدى قوي


ناطرة بقية حقوق الرجل

بس ماتكون القائمة طويلة

السلام عليكم

أحياناً بكون الواحد طالع بالباص وقاعد بأمان الله بالكرسي فجأة بتطلع صبية عالباص

وبتبلش تتامل الكراسي بتجي بتوقف فوق راس الشب مشان يخجل ويقوم مشان تقعد

من حق الرجل إنو يضل قاعد بكرستو لاحدا يقلي الشغلة إحترام ليش لوكانت البنت قاعدة

بتوقف للشب طبعاً لأ

.....تحياتي.....

حرام عليك

عنجد يعني لو أنا بنت وشفت شي ختيارة أو ختيار طلعو عالباص بقوم وبقعدون مكاني

دائما في أولوية

يعني حلوة البنت واقفة والباص عم يميل يمين ويسار والبنت عم تميل معو

وبعدين كمان مو محرزة هي قناعة شخصية في كتير شباب بشوفو انو البنت أولى بالكرسي

يعني هي مو كل الرجال بطالبو فيها

هات غيرها لنشوف

هلأ أكيد هي قناعة شخصية وانا شخصياً بوقف لشي بنت إذا كنت قاعد بس في كتير شباب بيدايقو من هالشغلة

في حق تاني

شو مشانكن انتو البنات ما خليتو مصلحة إلا وشتغلتو فيا حتى البقاليات صارت كلا نسوان ماناقص غير تفتحو

محلات حلاقة رجالية (ماعت تلحقو زباين)

أطالب بوقف الإكتساح النسائي للمهن الرجالية

وإذا عندك شي لحقوق المرأة طالبي في أخت ليلى

........تحياتي.....

شفت كيف قناعة شخصية

يعني محدي عم يجبرك أو ياخد الكرسي بالغصب

وسيم كتب:

في حق تاني

ههههههههههه
ياالهي شو شرير ........ مبين الشر بعيونك

شو مهن رجالية ما مهن رجالية

شوف يلي بيشتغلو بصالون التجميل للنساء نصون رجال

ولولا النساء المحجبات كان صار بكل صالونات التجميل رجال

يعني انتو كمان مو مقصرين

ومشان البقاليات والله أنا لو بحارتنا وحدة كنت ما اشتريت غير منها

يعني مثلا على سبيل المثال الصيدلية أنا بشتري من صيدلانية بتاني شارع ولا بشتري من صيدلاني بحارتنا حتى لو كان دوا للرشح

يعني ما بضر انو يكون بعض المهن النساء بيشتغلو فيها عشان يتفاهمو مع بعض

والله كمان هالحق مو محرز... لنشوف اذا في غيره

ومشان حقوق المرأة فالحمد لله حقوقنا واصلتنا دام عم نتعامل ضمن حدود الشريعة الاسلامية

الله يسامحك أنا موشرير بس نفعلت شوي

هلأ لازم يكون في شوية نسوان بالمحلات ((مامنقدر نعيش بدونكن)) بس مو كلو نسوان ياخوفي بكرة تفتحو قهوة نسوانية على شاي واركيلة

..... يتبع

يعني ليش حاسستك بدك تلغي النساء من سطح الأرض

اذا نسبة النساء دائما هي أضعاف نسبة الرجال فبديهي تشوف عدد العاملات الاناث أكتر من الذكور

وحاجة المرأة للعمل شي مافينا ننكره وخصوصا بهالزمن

يعني لما وحدة بتترمل ولا بتطلق ومعاها شي أربع خمس ولاد .. مين من اخواتها الشباب بيرضى يعيشها عندو ويصرف عليها وعلى ولادها ويدرسون ويربيون

بس لما تكون موظفة فمنيتها عحالها ومانا بحاجة حدي

ومتل ما قلتلك انا بالنسبة الي التعامل مع النساء أريح يعني بفضل جيب مدرسة خصوصي ولا جيب مدرس ذكر

بفضل اتعامل مع مهندسة لأي سبب كان ولا اتعامل مع مهندس ذكر

وكمان بفضل تعالجني دكتورة ولا يكون دكتور ذكر

وهكذا ............

فوجود المرأة في مجالات العمل كافة أمر بحاجة اليه وبالعكس يجب تشجيعه

ومشان القهاوي والأركيلة

القهاوي المخطلتة منتشرة عنا بسوريا

بس انا بشوف انو يخصصو قهوة خاصة للنساء فقط

فهاد الشي انا بعتبرو كتير حضاري وبيناسب كتير من النساء

وجود اماكن خاصة للنساء يلبي حاجات الكثير من النساء وياريت يتواجد هيك شي عنا بسوريا


ولي تعبت من الكتابة

حاج لليوم

سلام

ههههههههههههههه

يا الهي قديش مزعوج مني ومن وسيم

كل هالحكي والله تعبت وانا عم اقرأ

المهم مشان موضوع

بعتقد ان النسوان يظلو بالبيت ويديروا بالهم على ازواجهم واولادهم هذا من باب اولى

هي ذكرتني بمقولة قراتها مرة وعجبتني وهي

لم أفهَم قَط..

لِمَآذَآ يُعلِّمُون الأولآد درُوسَ التفَآضُلِ عَلى النِسَآء..!؟

ولآ يُعلِّمُونهم دُروسَ التكَآمُلِ مَعهُنّ مِن أجلِ مُعآدَلَة صحِيحة...!!؟

أما بشأن

لانها عندما تربي اولادها فهي بذلك تربي جيل هالجيل اذا احسنت الاهتمام واعطته والكثير من وقتها
لرعايته فهي بذلك تكون قد خدمت وساهمت في ريادة المجتمع بل الامه لانها انشأت هذا
الجيل القادر على النهوض والارتقاء بالمجتمع والوطن فلها فضل كبير في ذلك - كما لا
ننسى ان هذا لايعفي الاب من واجباته تجاه اولاده ونلقي باللوم لسوء التربية على الام لوحدها-.


هاد في حال كان في دخل بيكفي العيلة وكمان في رجل يقدر هاد الشي

تكون المرأة متعلمة هو أمر لا مفر منه لأنها بذلك تساعد أبنائها في دروسهم على الأقل

ووجود المرأة العاملة هو أحيانا واجب حتى تساعد الرجل في مصاريف المنزل

لان هذا الرجل لا يمكن أن نثق به .. ففي أي لحظة قد ينقطع المصروف اذا غاب الرجل لأي سبب ( مات ، طلاق ، طرد من العمل ...الخ )

فيكون عمل المرأة هو الحل التاني وبذلك هي تكمل الرجل وليست تاخذ مكانه في المجتمع


أما بشأن الوظائف الرجالية فكما قلت سابقا أنتم الرجال لا تقصرون و تعملون في كثير من الوظائف التي تناسب النساء فقط

وجود المرأة في كافة التخصصات أمر يساعد باقي النساء على التعامل معهن براحة أكثر

تخيل يكون في عمال بناء نساء رائع

أنا ماني ضد عمل المرأة وبالعكس بشوف لازم تكون موجودة في كل تخصص لحاجتنا لها

وأخيرا
هههههههههه والله ضحكتني

اتمنى أن تنال بنت الحلال التي ترضي بالك و وتسعدك دنيا وأخرة

سلام

الله يخليك لا تجيب سيرة الدكتور كامل لأنو دايقة منو الأمرين وحاملة الى الآن المادتين

الله يخلصنا منو عأهون سبب

تخيل في عمال بناء نساء

هيك اذا اجى عبالي ابني شي غرفة ببيتي او اعمل اي ديكور محدد بالبيت ما بكل هم العمال وبيصير وجود العاملات بالبيت أريح

يمكن انا تجربتي الشخصية هيك علمتني

لأنو كنا بنات بس ساكنين بالبيت طوال أربع سنين

كلما خرب شي بالبيت ناكل هم العامل كيف بدنا نتصل فيو

واذا اجى المغرب او المسى لازم اتصل بحدي من خوالي او عمامي عشان يفوت معو عالبيت

فكنت فكر بيني وبين حالي لو في عاملات نساء كنت ما أكلت هم وكان الموضوع مشي بسهولة أكتر

وعنا بمجتمعنا كتير نساء ساكنين لحالون وما الهون أزواج أو اخوان ذكور

فعشان هيك وجود العاملات النساء بيساعدون أكتر

أنا هاد قصدي من عمل المرأة في كافة التخصصات

السلام عليكم كل هادا صار وأنا غايب

فؤاد بيسكت بيسكت بعدين بزت تعليق جريدة بس والله حاسس فيك يافؤاد أنا لو محلك بأمن ع العروس بالأول بعدين بكفي دراسة

ياأخي بيرتاح بالك بس تكون بنت الحلال جنبك عالقليلة بتلاقي مين يهتم فيك ويسمعك كلام حلو

وبعدين بتكفي نص دينك

بس والله المطالب عندكن باليمن مو كبيرة يعني 200ألف شغلة فاضية نحنا بدك تحط 200ألف بس خطبة وعرس وتياب

وسيارات والعروس عنا مابتسكن ببيت أهلك لا بدا بيت لحالا

أنا اخي الأكبر مني مابدو يتجوز ليصير عمرو 30 وأنا ماعندي استعداد انطرو خاصة إني عشقان وناوي أخطب

بس إذا ماظبطت بدي ضب غراضي وأطلع لعندك ع اليمن

.....ليلى...

الدكتور كامل ظريف كتير صحي طويل ومابشوف حدا ونسبة النجاح عندو كتير قليلة بس كتير حباب ودمو خفيف

وأحلى شي بس ينكت بيطلع أحلى من عادل إمام

ومشان العاملات النشيطات

إذا صرتو تشتغلو بالتمديدات الصحية أو بالبناء أو بالكهربا رح تصير نسبة العاطلين عن العمل 99%

وخاصة إذا دخلو ملكات الجمال ع الخط

بصير الواحد بدل مايجيب معمرجي يجيب معمرجية [ندعوك للتسجيل في المنتدى أو التعريف بنفسك لمعاينة هذه الصورة]

وبدل مايروح ع الحلاق بروح عالحلاقة

منظر حلو وحلاقة بأيادي ناعمة بفوت مروق بيطلع مزهزه

خلص بطلت طالب بحقوق الرجل حلاقي عم يعملي تحسس

أطالب بدخول النساء إلى مهنة الحلاقة الرجالية [ندعوك للتسجيل في المنتدى أو التعريف بنفسك لمعاينة هذه الصورة]

بس كتير حباب ودمو خفيف

يعني انا مو قاتلني غير خفة دمو يلي المحاضرة ساعتين بتصير ساعتين وخمس دقايق خفة دم

يعني لازم يجي الدكتور يلي بعدو ويقلعو تقليع من القاعة عكتر مو خفيف دم

اسمى محاضرة ميكانيك مو محاضرة خفة دم

بفوت مروق بيطلع مزهزه

مين قلك انو النسوان العاملات رح يشتغلو عشان راحة الرجل

هنين مخصصين بس للنساء

فخليك عند حلاقك وجيب كريم للتحسس

ومين قلك أنو النساء العاملات رح يشتغلو لراحة النساء

رح يشتغلو لحاجتن للمصاري وهيك مارح يحددو الزباين بس نسوان [ندعوك للتسجيل في المنتدى أو التعريف بنفسك لمعاينة هذه الصورة]

بلشت دور ع حلاقة [ندعوك للتسجيل في المنتدى أو التعريف بنفسك لمعاينة هذه الصورة]

هلق انتو الاتنين ضدي

لأ ماحزرتو النسوان بيشتغلو بس للنسوان وانتو دبرو حالكون

حتى طبخ مافي خلي عم يجيب أكل جاهز لشوف

هاد الشاطرين فيو

شحادين وبتتشرطو

شو كيفكون فيا

بلشو اتعلمو طبخ من هلق

السلام عليكم

دخيل ربك يافؤاد فشيتلي خلقي الله وكيلك نسوان هالأيام كلن منعنعين وماخرجن يفتحو بيوت

وأنا شخصياً عم أتعلم الطبخ مابدي موت من الجوع

.....ليلى...

نحنا موضدك بس هادا الواقع فعلاً الحقيقة بتجرح

.....تحياتي... [ندعوك للتسجيل في المنتدى أو التعريف بنفسك لمعاينة هذه الصورة]

معناتها خليك عن تتعلم الطبخ وبطريقك علم فؤاد شي كم طبخة

مابيعجبكون العجب ولا الصيام برجب

يعني بتضلو تنكرو النعمة يلي انتو فيها متل القطط

الله يعينا عليكون

no no no noooooooooooooo

nevr ever



وهي بالانجليزي كمان

شو اعترفي ومدري شو

مستحيل

نحنا دايما صح وانتو دايما غلط ومافيكون تعيشو بدونا

وحاليا دورك تعترف بهاد الشي