نكت فيزيائية

جيولوجي خطب جيولوجية كتبوا كتابهم على الرواسب الفتاتية


شومافي نكت

نحنا هون حماصني هي شغلتنا

بس والله كل النكت الجيولوجية بتحسها ألغاز

يعني النكت كلها بتكون مصطلحات جيولوجية مابيفهمها الا واحد متخصص

يعني مثلا هي نكتة بالانجليزي



حلوة بس بدها حدا يعرف اللافا

يالله الامايطلع معي شي كم نكتة

كيف لقيتي نكتة والله تفاءلت عراسي حمص كلها

مشان الرواسب الفتاتية لازم جهز حوض رسوبي مشان اسكن بس أتجوز بس لازم يكون خالي من

الطيات والفوالق

بس شو مشان اللافا هادا العاشق طلع بركان الله يستر ماتنفجر عواطفو منروح فيا

شايف كيف .......

قلتلك نحنا حماصني بيطلع معنا .. بس بالأول لازم نعمل دورة بالمصطلحات الجيولوجية


وبعدين بكل النكت يلي عن الحماصنة شيل كلمة كان في واحد حمصي وحط بدالها كان في واحد جيولوجي

وبتطلع أحلى نكتة


بس للأمانة هي النكتة استعرتها من منتدى الجيولوجيين مو أنا مألفتا

في صخرة رسوبية ملت من شكلها

قام نطت من فوق البركان

قام صارت صخرة متحولة

ياحبيبي وصل البل لدقني الله يستر اذا كل نكت الحماصنة صارت علينا أكلنا هوا وراحت علينا بس

خلينا نضحك شوي احسن من الأكتئاب

اقتباس :

في صخرة رسوبية ملت من شكلها

قام نطت من فوق البركان

قام صارت صخرة متحولة

لاتفكرو فرعنا جامد هي الصخور عم تنط وتحس وتمل

.......تحياتي.....

السلام عليكم رجعتلكون بعد غياب

هو صحيح الموضوع نكت فيزيائية بس ما بيضر حطلكون هالنكتة ...

عشان تعرفو معاناتنا نحنا الرياضيين

كان في ثلاتة: واحد مهندس و واحد عالم فيزياء و واحد عالم رياضيات.

علماء النفس وضعو كل واحد منهم في سجن لمدة اسبوع مع سردين معلب بدون فاتح علب ليرو من يستطيع استخدام علمه في الخروج منه.

النتائج:

المهندس: استخدم مفاتيحة ليعمل مفتاح علب و أكل من العلبة و استخدم فتاتات ألمنيوم من العلبة لصنع المتفجرات و فجر الحائط ثم هرب.

عالم الفيزياء : استنتج الزاوية و السرعة المطلوبة التي تجعل العلبة تنفتح عند ضربها بالحائط

عالم الرياضيات: وجدوه ميتا. و كان مكتوبا على الحائط بالدم:

نظرية: إذا لم أخرج من هنا فسوف أموت.

الفرض: أنا هنا.

الطلب:إريد الخروج من هنا.

البرهان: لنفرض أنني ليس هنا...



:
:
:
:

شو بدكن بالحكي ..... عقلنا جامد ما بيتحمل كتير


عدلت الموضوع عشان اكتب انو ( ملطوووووووووووووووش )

سلام

فؤاد الاحصب كتب:

هاد يلي طلع معك

هي نكتة عشان تضحك مو تعبيلنا الصفحة دموع

انا عم ابكي عالزلمة المسكين مات وما عرف كيف بدو يطلع
وكمان بيكون مات مقهور من الرياضيات لانها ما فادته في وقت ضيقة
لأ وكمان بيكون دارس ميكانيك بس غريبة مفروض يفوت بالحيط ويطلع
هههههههههههههههههه

فؤاد الاحصب كتب:

بس غريبة مفروض يفوت بالحيط ويطلع
هههههههههههههههههه

هههههههه

فعلا هاد الحل الوحيد المنطقي .........

هي نكت كيميائية قديمة شوي كنا نحكيها لبعض


مدرس طلب من طالب أن يذكر الصيغة الكيميائية لعنصر الماء

فكان جواب الطالب : H I J K L M N O

المدرس: ما هذا الذي تقوله ؟


الطالب : أنت أخبرتنا بالأمس أن الصيغة الكيميائية هي H to O ........ وهذا يعني الاحرف من H الى O

وكمان وحدي

أثناء حصة الكيمياء أراد طالب أن يمزح مع الأستاذ

فتظاهر بأنه عطس وقال ( اتش تو او) .......... ( H2O هي الصيغة الكيميائية للماء )

فرد عليه الأستاذ : و Pb

( وهي الصيغة الكيميائية للرصاص )

يا حرام عليك عطول بتكسر خاطري

عكل ورجينا شطارتك واحكيلنا شي نكتة جديدة

ومشان المقالب لا تاكل هم

علامة السلوك ما بتدخل بالمعدل فكنا أخدين راحتنا

وشو بدي نحكي .... زكرتني بأيام الطفولة

لا خلص مشي الحال ...

والردود كلها تشجيعية ومافي أحلى من هيك

يسلمو

تم تجربة جهاز كشف الكذب لثلاث مدرسين واحد كيمياء وواحد فيزياء وواحد جيولوجيا

اذا واحد فيهم كذب الجهاز برن

فقال استاذ الكيمياء : نحنا منفكر نخلي الطلاب يصنعو الصابون لحالهم بالبيت ، فرن الجهاز ... كذاب

قال استاذ الفيزياء : نحنا منفكر نخلي الطلاب يصلحو التلفزيون لحالهون بالبيت ، فرن الجهاز ... كذاب

قال استاذ الجيولوجيا : نحنا منفكر ... ، رن الجهاز .. كذاب







رجاء الاعتراض ممنوع

قال استاذ الجيولوجيا : نحنا منفكر ... ، رن الجهاز .. كذاب

والله عجبتني كتير يسلم ايديك

أهلا سمسومه

شاركينا بالنكت اذا عندك

بس لا تقربي للرياضيات

ترى يلي فينا مكفينا

شومشانك فرشيتي سنانك وبلشتي فينا لا تعلميها علينا مو ناقصنا

والله منيح تعملو حلف نسائي عالجيولوجيا ....

أنا رح بلش رحلة البحث عن نكت ع الرياضيات ....

... تحياتي ...

دع الأيام تفعل ماتشاء وطب نفساً بما حكم القضاء

بس بالله النكتة حلوة ولا لأ ؟

هي مو هيك بس انا عدلت عليها مشان تناسبني

النكتة حلوة بس كمان واقعية ........... ههههههههههههه

في واحد بده يستقر ...

فقد ألكترون ...


هههههههههههه

أمانة تضحكو

عنجد اذا فكرتو فيها كتير حلوة وبتضحك

اي ماضل عندي ولا الكترون بالطبقة السطحية ولسا ما استقريت